Næringslivet på Bømlo ropar etter fleire flinke folk. Du kan bli ein av dei!
Korleis blir eg lærling?
Du søkjer læreplass direkte hos lærebedrifta, akkurat som ein vanleg jobbsøkjar. Går du allereie på yrkesfag har du kanskje tankar for kor du vil gå læretida. Det skadar iallfall ikkje å vise interesse på førehand.
Når søkjer eg plass?
Bedriftene ser etter lærlingar på ulike tidspunkt, som oftast mellom desember og mars. Det er lurt å vere på utkikk på platformane til bedriftene som er aktuelle for deg.
Har du spørsmål om lærlingeordninga eller andre ting kan du ta kontakt med oss.
Kven får plass?
Bedriftene ser etter motiverte kandidatar, så det gjeld å gje eit godt inntrykk. Vis interesse for faget og bedrifta, og det er viktig å vise til godt oppmøte på skulen.
Hugs! Om du allereie hospiterer i ei bedrift du vil søkje læreplass hos, så er du allereie vurdert som aktuell lærling. Vis interesse, ver aktiv og still spørsmål!
Men… kva om eg vel feil?
Dette er ikkje noko å vere redd for. Nokre ting som er lurt å huske på:
Det er mogleg å byte retning, men me anbefalar å fullføre året du har starta på. Sjå på det som ein moglegheit til å utvide horisonten din!
Det finst mange vegar til målet – ta kontakt med nokon som kan rådgje deg
Ingenting er bortkasta! Interessene dine vil endre seg i løpet av livet, og det vil nok og forme yrkesvala dine
Ponget er at ein ikkje treng vere redd for å prøve ut ulike fag eller ombestemme seg. Det er mange spanande yrkjer å velje i!
Klar for å søka?
Klar for å søka?
Søkeprosessen, steg for steg
-
Ein god søknad er første steg! Hold deg kort og konkret (ca eit halvt A4 ark) og spar litt til jobbintervjuet.
Ein hugseregel er at søknaden er eit svar på ein stillingsannonse. Ønskjer bedrifta ein sjølvstendig problemløysar? Prøv å få fram dette i søknaden!
arbeidsplassen.no og finn.no har mange gode tips du kan sjekke ut. -
Ein CV er ei oppramsing av den utdanninga og arbeidserfaringa du har.
Som 17-18 åring har ein kanskje begrensa arbeidserfaring, så kva legg ein inn i CV’en? Mogleg meir enn du trur!
Er du aktiv i frivillige organisasjonar, eit ungdomsparti, innan idrett eller anna? Få det med i CVen eller i søknaden!
Skrivetips for CV finn du på cvnerden.no. -
Send søknad og CV til dei bedriftane du ønskjer plass hos. Hugs å tilpassa søknaden til bedriftene.
Treng du at nokon ser over søknaden din først? Send den til post@bomlook.no så ser me på den for deg. -
Gratulerer! Bedrifta synest du er ein interessant kandidat. No vil dei bli betre kjend med deg før dei bestemmer seg 100%. Då er det lurt å førebu seg litt.
Les deg opp på bedrifta og kva dei er gode på og notér spørsmål du kan stille tilbake til dei. Førebu deg på typiske intervju-spørsmål, som til dømes:
Fortel litt om deg sjølv, kva gjer du på fritida?
Kvifor søkjer du læreplass hos oss?
Kva veit du om bedrifta?
Har du søkt læreplass andre stadar?
Korleis vil vennene dine beskriva deg?
Korleis taklar du å jobbe under press?
Kvifor har du valt denne fagretninga?
Kva er du god på?
Har du noko du tenkjer du kunne ha jobba med?
Pssssst! Treng du nokon til å sjå over søknaden din? Send den til oss så ser me over den og gjer deg ein tilbakemelding!
“Eg forventar ein anna type skulekvardag, sidan eg har valt ut i frå interessene mine”
Jonas Bjørnevik
Elev i 10. klasse
“Det beste med å vera lærling er å kjenna på fagleg meistring og aukande ansvar og tillit på jobb. ”
Jørgen Sørvik Torkelsen
Lærling i automasjon
«Det kjekkaste med å ha lærlingar er moglegheiten til å lære opp andre i eit fag me sjølv brenner for»
Caroline Gilje
Fagleg leiar Industrimekaniker
Ikkje begynt på yrkesfag enda?
Verkar yrkesfag og lærlingordninga interessant? På vigo.no finn du yrkesfaget som passar deg!
På finn lærebedrift får du oversikt over dei fleste lærebedriftene i Noreg.
Snakk med oss!
Snakk med oss!
Arnhild Tveita-Larsen
Dagleg leiar Bømlo opplæringskontor
John Helge Møgster
Konsulent, ansvarleg for kommunale lærlingar
